ज्योत निरखबा आयो जी सांवरिया थारी लिरिक्स Jyot Nirakhaba Aayo Ji Bhajan Lyrics

Saroj Jangir

ज्योत निरखबा आयो जी सांवरिया थारी लिरिक्स Jyot Nirakhaba Aayo Ji Bhajan Lyrics

ज्योत निरखबा आयो जी,
सांवरिया थारी,
काकड़ी गावण नै आयो हो,
ध्वजाबन्द थारा,
दरसण करबा आयो,
ज्योत निरखबा आयो जी,
सांवरिया थारा।

कै रे कोसां मं थां को,
देवरो ओ बाबा जी,
कै रे कोसां मं जागै ज्योत,
खाटू का थारा,
दरसण करबा आयो,
अस्सी ए कोसां मं थां को,
देवरो ओ बाबा जी,
सगल सृष्टि म जागे ज्योत,
खाटू का थारा,
हुकम मांगबा आयो।

कै लख आवै थां कै,
बांझणी ओ बाबा जी,
कै लख बालूडा री मांय,
खाटू का थांरा,
दरसण करबा आयो,
नौ लख आवै थां कै,
बांझणी ओ बाबा जी,
दस लख बालूडा री मांय,
खाटू का थारा,
हुकम मांगबा आयो।

के रज मांगे,
बांझणी ओ बाबा जी,
के रज बालूडा री मांय,
खाटू का थारा,
दरसण करबा आयो,
पुत्र मांगे,
बांझणी ओ बाबा जी,
अन्न धन बालूडा री मांय,
खाटू का थारा,
हुकम मांगबा आयो।

पुत्र देस्यां,
बांझणी ओ भगतां,
अन्न धन,
बालूडा री मांय,
खाटू का थारा,
दरसण करबा आयो,
जातण आवै थांरे,
कुल बहु ओ बाबा जी,
गोद जडूला ल्यावे पूत,
खाटू का थारा,
हुकम मांगबा आयो।

जातरी तो आवै थां रै,
दूर का ओ बाबा जी,
सांवलिया मोट्यार,
खाटू का थारा,
हुकम मांगबा आयो।

लीलो सो घोड़ो,
हांसलो ओ बाबा जी,
ज्यां पे श्याम,
धणी असवार,
खाटू का थारा,
दरसण करबा आयो,
चढै चढावो थां कै,
चूरमो ओ बाबा जी,
नारेलां री बौछार,
खाटू का थारा,
हुकम मांगबा आयो।

जो थारी निन्दरा,
करे ओ बाबा जी,
बां नै थे पटक पछाड़,
खाटू का थारा,
दरसण करबा आयो,
जो थां की सेवा,
करे ओ बाबा जी,
भर देवो भण्डार,
खाटू का थारा,
हुकम मांगबा आयो।

ज्योत निरखबा आयो जी,
सांवरिया थां री,
कांकडी गावण ने आयो हो,
ध्वजाबन्द थांरा,
दरसण करबा आयो,
ज्योत निरखबा आयो जी,
सांवरिया थांरा,
हुकम मांगबा आयो।