भोले तेरी भक्ति का अपना ही
सावण आयो रे राजस्थानी सोंग
सावण आयो रे Sawan Aayo Re Bhajan
ओ छांटा ओरगी ओ,
भीजे थांकी गोरड़ी बन्ना,
भीजी ओढणी हो,
भीजे म्हारी कांचळी बन्ना।
सावण आयगो रे,
बरसे काळी बादळी बन्नी,
लागे सोवणी ये,
भीजोड़ी लागे फूटरी घणी।
छांटा ओरगी हो,
भीजे थांकी गोरड़ी बन्ना।
सावण आयगो ये,
बरसे काळी बादळी बन्नी।
कैड़ो होवतो ओ,
रेहता आपां बाग़ में बन्ना
होता मोरियां थे,
होती मैं जो मोरणी बन्ना।
डाळे झूलतां ये,
दोन्यू साथे नाचता बन्नी,
खाता फूलड़ा ये,
गाता मीठा गीतड़ा बन्नी।
छांटा होयरी ओ,
भीजे थां की मोरणी पिया।
सावण आयगो ये,
नाचे मन मोरियो बन्नी।
बाजें बायरो ओ,
उडे झीणी चूंदड़ी बन्ना,
कांपे काळजे ओ,
आबे खींवे बीजळी बन्ना।
खेतां चालस्यां ये,
बावां आपां बाजरी बन्नी,
मैं तो चौधरी ये,
तू प्यारी म्हारी जाटणी बन्नी।
छांटा ओरगी हो,
भींजे थांकी जाटणी बन्ना।
सावण आयगो ये,
खेतां सोहवे जाट जाटणी।
पाणी जावती ओ,
कड़िया मटकी गोळकी बन्ना,
ठोकर लागगी ओ,
नखल्यां डांडी टूटगी बन्ना।
पायल लायदूं ये,
बिछियां ल्यावूं बाजणी बन्नी,
होदी साळ दूं ये,
रेशम बंधणे हींचणा बन्नी।
छांटा ओरगी ओ,
भींजे थांकी बीनणी बन्ना।
सावण आयगो ये,
हरियां होसी खेत सजनी।
काळा बादळा ओ,
टळियो टळियो जाय मतना,
नाडा नाडियां रे,
भर दे म्हारा खेत खलिहान।
अपणा देस में ये,
आयी बिरखा पावणी बन्नी,
लेले हेजना ये,
कर ले इणरी खातरी बन्नी।
छांटा ओरगी हो,
बरसे प्यारी बादळी बन्ना।
सावण आयगो ये,
बरसे हैं काळी बादळी बन्नी।
New Rajasthani Songs 2024 | Sawan Aayo Re | Divya Chouhan | सावण आयो रे | Ashok Chouhan Marwadi Song
ऐसे ही अन्य भजनों के लिए आप होम पेज / गायक कलाकार के अनुसार भजनों को ढूंढें.
पसंदीदा गायकों के भजन खोजने के लिए यहाँ क्लिक करें।
Audio/Video Credits:
Song: Sawan Aayo Re - सावण आयो रे
Singer: Divya Chouhan And Ashok Chouhan
Lyrics & Composition: Padma Sargara
Music: Mukesh Choudhary
Producer & Director: Hemraj Kag
Video Director: Suresh Chaudhary
Song: Sawan Aayo Re - सावण आयो रे
Singer: Divya Chouhan And Ashok Chouhan
Lyrics & Composition: Padma Sargara
Music: Mukesh Choudhary
Producer & Director: Hemraj Kag
Video Director: Suresh Chaudhary
आपको ये पोस्ट पसंद आ सकती हैं
