बेटी ब्वारी पहाड़ूं की लिरिक्स Beti Bwari Pahadu Ki Lyrics Gadhwali Folk Song Lyrics

प्रीत सी कुंगली डोर सी छिन ये,
पर्वत जन कठोर भी छिन ये,
हमारा पहाडू की नारी, बेटी ब्वारी,
बेटी ब्वारी, पहाड़ूं की,
बेटी ब्वारी, बेटी ब्वारी।

बिन्सिरी बीटी घणयूं मा लगीन,
स्येनी खानी सब हरचिन,
करम ही धरम काम ही पूजा,
युन्कई ही पसिन्यांन हरि भरिन
पुंगड़ी पटली हमारी बेटी ब्वारी,
बेटी ब्वारी, पहाड़ूं की,
बेटी ब्वारी, बेटी ब्वारी।

बरखा बतोन्युन बण मा रुझी छन,
पूंगड़ा मा घामन गाती सुखीं छन,
सौ सृंगार क्या होन्दु नई जाणी,
फिफ्ना फत्याँ छिन गालोडी तिड़ी छिन,
काम का बोझ की मारी, बेटी ब्वारी,
बेटी ब्वारी, पहाड़ूं की,
बेटी ब्वारी, बेटी ब्वारी।

खैरी का आंसूंन आंखी भोरी चा,
मन की स्याणी गाणी मोरी चा,
सरेल घर मा टक परदेश,
साँस चनि छिन आस लगी चा,
यूँ की महिमा न्यारी बेटी ब्वारी,
बेटी ब्वारी, पहाड़ूं की,
बेटी ब्वारी, बेटी ब्वारी।

दुःख बीमारी मा भी काम नि टाली,
घर बाण रुसडू याखुली समाली,
स्येंद नि पै कभी बिजदा नई देखी,
रत्ब्याणु सूरज यूनी बिजाळी
यूनसे बिधाता भी हारी बेटी ब्वारी
बेटी ब्वारी पहाडू की बेटी ब्वारी,
प्रीत सी कुंगली डोर सी छिन ये
पर्वत जन कठोर भी छिन ये
हमारा पहाडू की नारी, बेटी ब्वारी,
बेटी ब्वारी, पहाड़ूं की,
बेटी ब्वारी, बेटी ब्वारी।

Beti Bwari pahadu Ki # Uttarakhand # Garhwali # Baramas # Narendra Singh Negi

Betee Bvaaree Pahaadoon Kee Liriks

Preet See Kungalee Dor See Chhin Ye,
Parvat Jan Kathor Bhee Chhin Ye,
Hamaara Pahaadoo Kee Naaree, Betee Bvaaree,
Betee Bvaaree, Pahaadoon Kee,
Betee Bvaaree, Betee Bvaaree.

Binsiree Beetee Ghanayoon Ma Lageen,
Syenee Khaanee Sab Harachin,
Karam Hee Dharam Kaam Hee Pooja,
Yunkee Hee Pasinyaann Hari Bharin
Pungadee Patalee Hamaaree Betee Bvaaree,
Betee Bvaaree, Pahaadoon Kee,
Betee Bvaaree, Betee Bvaaree.

Barakha Batonyun Ban Ma Rujhee Chhan,
Poongada Ma Ghaaman Gaatee Sukheen Chhan,
Sau Srngaar Kya Hondu Naee Jaanee,
Phiphna Phatyaan Chhin Gaalodee Tidee Chhin,
Kaam Ka Bojh Kee Maaree, Betee Bvaaree,
Betee Bvaaree, Pahaadoon Kee,
Betee Bvaaree, Betee Bvaaree.

Khairee Ka Aansoonn Aankhee Bhoree Cha,
Man Kee Syaanee Gaanee Moree Cha,
Sarel Ghar Ma Tak Paradesh,
Saans Chani Chhin Aas Lagee Cha,
Yoon Kee Mahima Nyaaree Betee Bvaaree,
Betee Bvaaree, Pahaadoon Kee,
Betee Bvaaree, Betee Bvaaree.

Duhkh Beemaaree Ma Bhee Kaam Ni Taalee,
Ghar Baan Rusadoo Yaakhulee Samaalee,
Syend Ni Pai Kabhee Bijada Naee Dekhee,
Ratbyaanu Sooraj Yoonee Bijaalee
Yoonase Bidhaata Bhee Haaree Betee Bvaaree
Betee Bvaaree Pahaadoo Kee Betee Bvaaree,
Preet See Kungalee Dor See Chhin Ye
Parvat Jan Kathor Bhee Chhin Ye
Hamaara Pahaadoo Kee Naaree, Betee Bvaaree,
Betee Bvaaree, Pahaadoon Kee,
Betee Bvaaree, Betee Bvaaree.

# Title :- Beti Bwari Paharu Ki # Album :- Baramas Vol-10 # Language :- Uttarakhand Garhwali # Singer :- Narendra Singh Negi, # Lyrics :- Narendra Singh Negi # Music :- Ved Sethi Ji # Recorded By :- Surinder Gandhi At Kalyani Studio

आपको ये पोस्ट पसंद आ सकती हैं