भोले तेरी भक्ति का अपना ही
गाय चरावा जाऊ म्हारी माँ
गाय चरावा जाऊ म्हारी माँ Gaay Charaba Jau Mhari Ma
गाय चरावा जाऊ म्हारी माँ ,मैं तो गाय चरावा जाऊ।
नीली नीली घास चरास्यु ,
वा ने खूब धपाऊ म्हारी माँ,
गाय चरावण जाऊ म्हारी माँ,
मैं तो गाय चरावा जाऊँ।
नानपणा में कान्हूड़ो यूँ,
हठ करवण ने लाग्यो,
रोटी लेने माता दौड़े,
आगेआगे भाग्यो,
पैर पटक ने रोवन लाग्यो,
हूँ भूखो रे जाऊँ, म्हारी माँ।
गाय चरावण जाऊ म्हारी माँ,
मैं तो गाय चरावा जाऊँ।
नन्द बाबा ने कहे यसोदा,
कान्हा ने समझाओ,
दे लकड़ी रा हाथी घोड़ा,
ई ने परो मनाओ,
नन्द बाबा यूँ कहवण लाग्या,
थारो बेटो थू ही मना,
गाय चरावण जाऊ म्हारी माँ,
मैं तो गाय चरावा जाऊँ।
गर्गाचार्य जी गोकुळ आया,
कान्हा रे दरसण ने,
रोती लीला देख श्याम री,
खूब विया प्रसन्न वे,
गोप अष्टमी शुभ मोहरत है,
काले तू ज्याजे कान्हां,
गाय चरावण जाऊ म्हारी माँ,
मैं तो गाय चरावा जाऊँ।
माता यशोदा लाई पगरखी,
पैर श्याम तू ज्याजे,
कांटा भाटा मति खेलजे,
चौखी गाय चरा ज्ये,
जब गाया नी जूता पेहरे,
मु कीकर पेरू म्हारी माँ,
गाय चरावण जाऊ म्हारी माँ,
मैं तो गाय चरावा जाऊँ।
माता यशोदा बोली थोड़ी,
सी रोटी तू खा ले,
वता वता ने काना ने,
ऊपर सु माखण डाले,
बांध पोटली साथे दे दे,
बैठ वैठ ही खाऊ म्हारी माँ,
गाय चरावण जाऊ म्हारी माँ,
मैं तो गाय चरावा जाऊँ।
काली कामल कांधे मेली,
ठुमक ठुमक नरे चाले,
कमर करधनी काना कुण्डल,
होळे होळे हाले,
जातो जातो बोले कानो,
थोड़ो थोड़ो लाड लड़ाए म्हारी माँ,
गाय चरावण जाऊ म्हारी माँ,
मैं तो गाय चरावा जाऊँ।
भजन श्रेणी : विविध भजन/ सोंग हिंदी Bhajan/ Song Lyrics
Gaay Charava Jau Mhari Maa
इस भजन से सबंधित अन्य भजन निचे दिए गए हैं जो आपको अवश्य ही पसंद आयेगे, कृपया करके इन भजनों को भी देखें.
Gaay Charaava Jau Mhaari Maan ,
Main To Gaay Charaava Jau.
Nili Nili Ghaas Charaasyu ,
Va Ne Khub Dhapau Mhaari Maan,
Gaay Charaavan Jau Mhaari Maan,
Main To Gaay Charaava Jaun.
पसंदीदा गायकों के भजन खोजने के लिए यहाँ क्लिक करें।
Main To Gaay Charaava Jau.
Nili Nili Ghaas Charaasyu ,
Va Ne Khub Dhapau Mhaari Maan,
Gaay Charaavan Jau Mhaari Maan,
Main To Gaay Charaava Jaun.
पसंदीदा गायकों के भजन खोजने के लिए यहाँ क्लिक करें।
