थारे सागे बैठ बुलैट पे दुग दुग सुणनी चाहूं

Saroj Jangir

थारे सागे बैठ बुलैट पे दुग दुग सुणनी चाहूं मैं

थारे दिल म म्हारै नाम की,
धड़कन सुणनी चाहूं मैं,
थारे सागे बैठ बुलैट पे,
दुग दुग सुणनी चाहूं मैं।

मेरे दिल में तूं ही धड़के,
दिल सु बात करा दूं ऐ,
आ बैठ बुलेट पे गौरी,
पूरो शहर घूमा दूं ए।

नई नवेली दुल्हन बणठण,
घूमे मेंहगी कारां में,
म्हारे भी घूमण की मन में,
शॉपिंग करूं बजारां में।

बणके अप्सरा आसमान में,
उड़नी चाहूं मैं,
थारे सागे बैठ बुलैट पे,
दुग दुग सुणनी चाहूं मैं।

बोल बता कठे चाला गोरी,
ऑनलाइन दो टिकट करूं,
चौखी चौखी लेया सेल्फी,
आई फोन थानै गिफ्ट करूं।

खर्चीलो भरतार थारो,
थाने मौज करा दूं ऐ,
आ बैठ बुलेट पे गौरी,
पूरो शहर घूमा दूं ए।

मिश्री जैसी बातां थारी,
बातां में खो जाऊं मैं,
देखल्यूं थारी सूरत सजना,
मतवाली हो जाऊं मैं।

म्हारे लिए थारे मन की,
हलचल सुणनी चाहूं मैं,
थारे सागे बैठ बुलैट पे,
दुग दुग सुणनी चाहूं मैं।

थे म्हारा जिंदजान बावली,
थारे सूं मन हेत घणों,
थारी म्हारी टॉप की जोड़ी,
देखतो रहज्ये जणो जणो।

आरके नायक थारो है,
सरेआम बता दूं ऐ,
आ बैठ बुलेट पे गौरी,
पूरो शहर घूमा दूं ए।

राजस्थान के लोकसंगीत में मिठास और परंपरा है। ये गीत वीरों की गाथाएं, प्रेम कहानियां और त्योहारों की खुशी बयां करते हैं। सारंगी और ढोलक की धुनों पर लोकगायक भावनाओं को जीवंत कर देते हैं। प्रसिद्ध लोकगीतों में पधारो म्हारे देश और घूमर विशेष रूप से लोकप्रिय हैं। इन गीतों में राजस्थान की संस्कृति और जीवनशैली की सुंदर झलक मिलती है। इसके साथ ही लोकगीतों में प्रेम का भी सुंदर चित्रण किया जाता है। भावनाओं को बहुत ही सुंदर भाव से दर्शाया जाता है।