स्वर्गा सूं आयो है सन्देश

Saroj Jangir

स्वर्गा सूं आयो है सन्देश

संतो स्वर्गा सु आयो है संदेस,
बुलावो आयो राम को,
एक मिनट प्रभु म्हाने देवो,
तो करू बेटा सु बात,
अलमारी में गहना धरा है,
राजी राजी थे लीज्यो बाट,
बुलावो आयो राम को,
संतो स्वर्गा सु आयो है संदेस,
बुलावो आयो राम को।

दुसरो मिनट प्रभु म्हाने देवो,
तो करू बहुवा सु बात,
मैं तो म्हारो धरम निभा दी,
बाँध के राखीजो परिवार,
बुलावो आयो राम को,
संतो स्वर्गा सु आयो है संदेस,
बुलावो आयो राम को।

तीसरा मिनट प्रभु म्हाने देवो,
तो करू पोता सु बात,
दादी माँ तो स्वर्गा चाल्या,
कुण तो करे ला थारा लाड,
बुलावो आयो राम को,
संतो स्वर्गा सु आयो है संदेस,
बुलावो आयो राम को।

चौथो मिनट प्रभु म्हाने देवो,
तो करू बेटी सु बात,
मेरे री मन में रहगी,
बीरो सा भरे ला थारो भात,
बुलावो आयो राम को,
संतो स्वर्गा सु आयो है संदेस,
बुलावो आयो राम को।

पांचवो मिनट प्रभु म्हाने देवो,
तो करूँ पति सु बात,
कुमकुम मेहँदी चावल लेके,
मौतया सु भरदो म्हारी मांग,
बुलावो आयो राम को,
संतो स्वर्गा सु आयो है संदेस,
बुलावो आयो राम को।

संतो स्वर्गा सु आयो है संदेस,
बुलावो आयो राम को,
संतो स्वर्गा सु आयो है संदेस,
बुलावो आयो राम को।

स्वर्गा सू आयो है सन्देश, बुलावो आगो राम को | Santo Swarga Su Aayo Hai Sandesh | Priyanka Swami

Song: Swarga Su Aayo Sandesh
Singer: Priyanka Swami
Music: Gopal Chaudhary
Lyricist: Traditional
Director: Mahendra Sagar
Edit: Tushar K Vyas
DOP: Monu Khan
Category: Hindi devotional (Ram Bhajan)

स्वर्गा सूं आयो है सन्देश

स्वर्गा सूं आयो है सन्देश

नए भजन

नवीनतम भजन