म्हारा घट मा बिराजता श्रीनाथजी लिरिक्स

Saroj Jangir

म्हारा घट मा बिराजता श्रीनाथजी लिरिक्स

म्हारा घट मा बिराजता,
श्रीनाथजी, यमुना जी, महाप्रभु जी,
म्हारो मनड़ो है गोकुल वृन्दावन,
म्हारे तन रो आंगणियो है तुलसी नवल,
म्हारा प्राण जीवन,
म्हारा घट मां बिराजता,
श्रीनाथजी, यमुना जी, महाप्रभु जी।

म्हारे मन रे आंगणियो श्रीमहाकृष्णजी,
म्हारी आंख्या दिखे गिरधारी, रे हरि,
म्हारो तन मन करूँ रे इनपे वारी रे वारी,
म्हारा श्याम मुरारी,
म्हारा घट मां बिराजता,
श्रीनाथजी, यमुना जी, महाप्रभु जी।

हूँ तो नित्य विठ्ठलजी री सेवा ही करुं,
हूँ तो आठ पहर आकि झाँकी निहारुं,
हूँ तो चित्त ना श्रीनाथजी रे चरणन धरूँ,
जीवन सफल करूँ,
म्हारा घट मां बिराजता,
श्रीनाथजी, यमुना जी, महाप्रभु जी।

हूँ तो भक्ति मारगिये री शरण पड़यो,
म्हारो मनड़ो कीर्तन माहीं रम ही गयो,
हूँ तो लाला की लाली में मनड़ो रम्यो,
जीवन धन्य करूँ,
म्हारा घट मां बिराजता,
श्रीनाथजी, यमुना जी, महाप्रभु जी।
म्हारे हृदय रा स्वांस नित नारायण भजे,
वाह वाह रे मानव देह कदे ना मिले,
फेरूं लख रे चौरासी की बड़ी रे फेरी,
मन मोहन हरि,
म्हारा घट मां बिराजता,
श्रीनाथजी, यमुना जी, महाप्रभु जी।

म्हारे अंत समय की री सुणो जी अर्जी,
म्हारे आंख्या रे आडे ठाकुरजी और श्रीजी,
म्हाने मरता ने यम का दर्शन कदे ना भावे,
म्हारो नाथ ही आवे,
म्हारा घट मां बिराजता,
श्रीनाथजी, यमुना जी, महाप्रभु जी।

मारा घट मा बिराजता,
श्रीनाथजी, यमुना जी, महाप्रभु जी,
म्हारो मनड़ो है गोकुल बृन्दावन,
म्हारे तन रो आंगणियो है तुलसी नवल,
म्हारा प्राण जीवन,
मारा घट मां बिराजता,
श्रीनाथजी, यमुनाजी, महाप्रभुजी।

Mahara Ghat Ma Birajta Shrinathji | Jaya Kishori Ji, Chetna Sharma | Shreenath Ji Bhajan | Sanskar TV

Bhajan: Mahara Ghat Ma (Shreenath Ji Bhajan)
Singer: Jaya Kishori Ji & Chetna Sharma
Album: Shyam Teri Lagan
Music Label: Sanskar Music
Music Genre: Traditional Music

आपको ये पोस्ट पसंद आ सकती हैं