बाबा श्याम म्हारो है लिरिक्स Baba Shyam Mharo Hai Bhajan Lyrics

म्हाने पग पग पे संभाले,
यो भगवान म्हारो है,
म्हे छाती ठोक के बोला,
बाबा श्याम म्हारो है।

श्याम ही मालिक म्हारे घर को,
यो ही उठावे सारो खर्चो,
सांची बोला तो सांवरियो,
पालनहार म्हारो है,
म्हे छाती ठोक के बोला,
बाबा श्याम म्हारो है।

त्रेता का प्रभु राम जी बोले,
द्वापर का घनश्याम जी बोले,
यो कलयुग को खाटूवालो,
अवतार म्हारो है,
म्हे छाती ठोक के बोला,
बाबा श्याम म्हारो है।

देखी दुनिया की दुनियादारी,
सुख में निभावे रिश्तेदारी,
म्हारे दुःख में श्यामधणी ही,
आवे काम म्हारो है,
म्हे छाती ठोक के बोला,
बाबा श्याम म्हारो है।

म्हारा अवगुण दोष भुलाकर,
राखे हिवड़े से यो लगाकर,
मां बाप के जाइयां राखे,
सोनू ध्यान म्हारो है,
म्हे छाती ठोक के बोला,
बाबा श्याम म्हारो है।