फरजी सह न ह्य सकै, गति टेढ़ी तासीर ।
रहिमन सीधे चालसों, प्‍यादो होत वजीर ॥

बड़ माया को दोष यह, जो कबहूँ घटि जाय ।
तो रहीम मरिबो भलो, दुख सहि जिय बलाय ॥

बड़े दीन को दुख सुनो, लेत दया उर आनि ।
हरि हाथी सो कब हुतो, कहु र‍हीम पहिचानि ॥

बड़े पेट के भरन को, है रहीम दुख बा‍ढ़ि ।
यातें हाथी हहरि कै, दयो दाँत द्वै का‍ढ़ि ॥

बड़े बड़ाई नहिं तजैं, लघु रहीम इतराइ ।
राइ करौंदा होत है, कटहर होत न राइ ॥

बड़े बड़ाई ना करैं, बड़ो न बोलैं बोल ।
रहिमन हीरा कब कहै, लाख टका मेरो मोल ॥

बढ़त रहीम धनाढ्य धन, धनौ धनी को जाइ ।
घटै बढ़ै बाको कहा, भीख माँगि जो खाइ ॥

बसि कुसंग चाहत कुसल, यह र‍हीम जिय सोस ।
महिमा घटी समुद्र की, रावन बस्‍यो परोस ॥

बाँकी चितवन चित चढ़ी, सूधी तौ कछु धीम ।
गाँसी ते बढ़ि होत दुख, का‍ढ़ि न कढ़त रहीम ॥

बिगरी बात बनै नहीं, लाख करौ किन कोय ।
रहिमन फाटे दूध को, मथे न माखन होय ॥

यह भी देखें You May Also Like

• रहीम के दोहे हिंदी में Rahim Ke Dohe in Hindi
• रहीम के दोहे हिंदी में Raheem Dohe (Couplets) in Hindi
• रहिमन धागा प्रेम का मत तोड़ो चटकाय हिंदी मीनिंग Rahiman Dhaga Prem Ka Mat Todo Chatkaay Hindi Meaning
• रहीम के दोहे हिंदी में Raheem Ke Dohe Hindi Mein रहीम और उनके लोकप्रिय प्रासंगिक दोहे
• रहीम के दोहे हिंदी में Raheem Ke Dohe Hindi Mein रहीम और उनके लोकप्रिय प्रासंगिक दोहे